漁釧 (將軍澳中心) (Closed)

食過幾次都幾好，所以今日再嚟食晚餐，叫咗三款串燒。嚟咗之後發現錯咗一款，我哋係點蘆筍豚肉串，佢就嚟咗個五花腩串，我哋就叫佢check單更換，職員話：「你哋係叫咗三款串燒喎！」我話：「係呀！咁你嚟咗啲咩？」職員：「咪係豬肉囉！」我望著佢呆左五秒，然後職員如夢初醒，笑笑口道歉入返廚房跟進。仲有呀！大蔥雞肉串變成燒焦蔥肉串，叫佢更換，點知佢攞入去刮走左燒焦既部分攞返出來比我，想點呀？！十分鐘後蘆筍豚肉串終於嚟咗，表面看來不錯，食食吓有啲難咬，才發現有啲肉係未熟！仲係生嘅，頂！但已經食左兩舊，一串有四舊，當下感覺好差，原本對佢印象都幾好，但今日破壞晒！因為失望所以寫食評！希望你哋會有改善！