南北小廚

Open Now

Now Closed

呢間餐廳唔係開俾機械人，唔係食電油，只係呢到對開係曾經拍攝變形金剛既場地-「怪獸大廈」。淨係講環境，就知係打卡熱點先啦。呢到食過幾次架啦！講服務呢...，呢到係唔會玩客客氣氣既。我見果兩個男仔似孖仔，著便服，應該係家庭式產業，做又得唔做又得。其中一個哥仔好似幾醒目，我地8個同事點完餐, 佢急口令覆返。你可以話佢玩野，但我幾欣嘗佢既能力，呵呵。有陣時，對一間餐廳既印象唔一定只係食物既。至於食物方面，普普通通咁啦，上海菜，一碗湯，一碟餸，一碗飯。平平淡淡，又唔貴。比起啲乜乜「上海乜乜物物」，貴幾成，但又唔係好食得去邊…咁囉。但對事啫，我碟糖醋排骨呢，希望下次可以少甜同埋少酸就好啦。