Video
Read full review
2020-09-20
256 views
星期日喺旺角一帶遊逛，無遊客嘅廟街果然變得無咁熱鬧。不過黑暗中嘅一點光🌟就係黃噹噹嘅「廟街玉子燒」。原來小店夜晚六點鐘先開，加上有唔少人等候多時，所以有段時間好熱鬧，人山人海👏；自不然等食物嘅時間亦耐咗。我哋愈等就愈肚餓，因為食物製作嘅過程一覽無遺，而且仲好鬼香🤤。除咗招牌玉子燒外，小店亦有賣多種香口鐵板小食，包括一口牛粒、魷魚鬚、雞軟骨同豬手等。價錢主要分大盒($70)同細盒($40)，佢有得俾你雙併甚至三併，咁正正式式係一次過滿足幾個願望😁。喺高溫底下苦等半個鐘，終於有得食🙈！不過都明嘅，因為食物即叫即整，又咁多單。好彩店家都好識做，預備咗啲膠櫈畀我哋坐住等。流心芝士玉子燒($30)，Wow呢個又真係幾好食喎😋。首先一拎上手就知啲餡料非常澎湃，上面有激多蟹籽、蟹柳、木魚碎同沙律醬，食落既惹味又多汁。老實講，流心芝士就唔太覺，但我另外加$10要嘅🐷豚肉餡就同🍳玉子好夾，味道因而變得更豐富。鐵板小食($40)，一口牛粒拼雞軟骨，份量唔大，不過由於兩者都偏細粒，所以食起上嚟有好多粒，唔會兩啖就食哂。估唔到🐮牛粒牛味都幾重，但個別肥膏都幾多下；🐔而雞軟骨就好好嚼口。醬汁一開始食嘅時候覺得好
星期日喺旺角一帶遊逛，無遊客嘅廟街果然變得無咁熱鬧。不過黑暗中嘅一點光🌟就係黃噹噹嘅「廟街玉子燒」。
原來小店夜晚六點鐘先開，加上有唔少人等候多時，所以有段時間好熱鬧，人山人海👏；自不然等食物嘅時間亦耐咗。
我哋愈等就愈肚餓，因為食物製作嘅過程一覽無遺，而且仲好鬼香🤤。
除咗招牌玉子燒外，小店亦有賣多種香口鐵板小食，包括一口牛粒、魷魚鬚、雞軟骨同豬手等。價錢主要分大盒($70)同細盒($40)，佢有得俾你雙併甚至三併，咁正正式式係一次過滿足幾個願望😁。
喺高溫底下苦等半個鐘，終於有得食🙈！不過都明嘅，因為食物即叫即整，又咁多單。好彩店家都好識做，預備咗啲膠櫈畀我哋坐住等。
流心芝士玉子燒($30)，Wow呢個又真係幾好食喎😋。首先一拎上手就知啲餡料非常澎湃，上面有激多蟹籽、蟹柳、木魚碎同沙律醬，食落既惹味又多汁。老實講，流心芝士就唔太覺，但我另外加$10要嘅🐷豚肉餡就同🍳玉子好夾，味道因而變得更豐富。
流心芝士玉子燒
$30
6 views
0 likes
0 comments
流心芝士玉子燒
$30
7 views
0 likes
0 comments
鐵板小食
$40
6 views
0 likes
0 comments
總括嚟講，玉子燒確係值得一試嘅，因為真心好足料，兼且熱辣辣整起，好味道。不過想食就預定心理準備可能要等15-30分鐘不等，趕時間者／飢餓人士／唔捱得熱嘅港女免問，哈哈，講笑啫🤣。或者天寒地凍時食熱食更佳！
Post
