Kuru Kuru自家製手作意粉 (Closed)

今日又到 8 咪半搵食, 接近 lunch 時間, 人流未開始好多, 呢間主打食意粉嘅餐廳, 由於佢話係自家製手作意粉, 所以就吸引左我入去 Try Try  餐牌上有 13 款意粉, 可以單叫, 或加錢轉套餐｡ 煙肉本菇忌廉意粉以女仕黎講, 呢碟意粉嘅份量已經啱啱好｡ 單講意粉嘅口感的確唔錯, 唔會好淋身, 完全做到 Al Dente 嘅條件, 但連埋其他配料同醬汁煮完之後嘅味道只屬一般, 驚喜唔大｡ 建議煙肉 & 菇可以再炒得香口少少先再放意粉 & 醬汁一齊煮｡炸茄子配自家製肉醬個茄子炸完唔會好乾身, 連埋 D 肉醬一齊食都幾開胃｡ 但薯角已經放到凍晒, 而且一 D 都唔脆身｡