醉桃園

Open Now

Now Closed

放工到觀塘同舊同事gathering, 帶咗我去附近一間樓上餐廳醉桃園打邊爐。一開lift門, 裝修環境、擺設等富有中國古式風味, 就連混醬醬料都放於中式懷舊茶盅內, 懷舊感十足。呢度有多款火鍋配料選擇, 小食熟食同樣供應, 只係揀野食都需花點時間。火鍋湯底揀咗【藥膳花雕醉雞鍋(半隻)】HK$168藥膳鍋跟醉雞分開上檯, 湯底滾起後, 侍應加入雞件, 滾起後再焗十分鐘就食得。一打開蓋, 散發濃郁甘香嘅藥膳味, 令滾起嘅雞件都相當入味。【牛胸爽】HK$148每片牛胸爽厚薄剛好, 焯熟後入口, 口感超爽, 而且毫無肥膩感。【白鱔片】HK$118鱔片開邊, 表皮有光澤, 熟後爽口有魚鮮味, 但細骨較多, 食嘅時候要小心。【手打鮮蝦滑】HK$78很有驚喜!!! 蝦滑超足料, 混入咗勁多爽口彈牙嘅蝦肉粒, 入口爽口彈牙, 鮮味十足, 推介必食!【黑松露鮮蝦餃】HK$88每隻鮮蝦餃都釀得脹卜卜, 入面豬肉餡料加入了黑松露, 而且有一隻原隻細蝦肉, 皮又滑夠薄, 入口散發陣陣松露香, 同埋豬肉餡料嘅鮮甜肉味。