秀 (Closed)

上堂前到秀食韓國野🇰🇷，食物同員工態度👱🏻‍♀️都十分好，可惜上菜太慢，我地上堂19:20，等左45分鐘一樣野食都未上，搞到我地得15分鐘食野。環境好古色古香，好有韓國既味道。前菜🥜有韓式醃蘿蔔、泡菜同芽菜，全部都十分出色，醃蘿蔔不太酸，甘甜，泡菜味道正宗，辣味十足而芽菜好爽脆，麻油好香，不會太鹹，忍唔住不斷食。🍗炸雞拼盤原味及辣味炸雞各一半，大大份，香脆可口，內脆外軟。而且兩款都好好味，辣味炸雞既辣醬帶甜及辣，十分襯，各有特色。辣汁拌冷麵🍝味道非常清新，不會太過凍，同辣汁十分夾，冷麵既質地有嚼勁，爽滑不黏口，值得試下。