Video
Read full review
2015-04-15
451 views
平日同朋友一齊放工之後成日食放題或者韓燒果啲真係好鬼悶囉，所以今日就即興上左openrice搵下mk有咩好食，跟住我地見有個朋友超級鍾意食雞煲，之後搵到呢間餐廳，見到啲食評都讚間野唔錯，於是就決定去試下。一去到餐廳門口就覺得裝修都唔錯，好小食雞煲嘅裝修做到咁。跟住我地就入去搵位，由於我地黎得比較早，餐廳未算太多人。係我地坐低左之後，店員就俾生果我地食，呢樣野真係算幾貼心。跟住我地就開始簡野食，係我地簡嘅過程入面，店經理好熱情咁為我地講解所有野食，令我地更加了解呢間舖嘅特色。於是我地就決定跟隨店經理嘅指引去叫野食。跟住無幾耐就黎左兩個前菜(椒鹽雞軟骨，炸魷魚鬚)椒鹽雞軟骨味道比較淡，不過可能剛剛炸起，非常脆身。炸魷魚鬚就唔係剛剛炸起，有點凍，不過魷魚就都算有口感。再過多十幾分鐘左右，雞煲就上枱喇豬軟骨是加68蚊追加嘅，經理話有雞又有豬，咁會正啲喎。我都係第一次將豬軟骨同雞煲撈埋一齊食，個感覺好特別，不過肉質都很淋，唔會好硬，唔洗用力都可以咬得開。而雞煲由於我地有人唔食得辣，所以就叫左個bb辣，所以對我呢個寫得ok辣嘅人黎講，無咩特別感覺，不過我個朋友不停咁喝野，應該呢個辣都唔係bb咁簡單
一去到餐廳門口就覺得裝修都唔錯，好小食雞煲嘅裝修做到咁。跟住我地就入去搵位，由於我地黎得比較早，餐廳未算太多人。係我地坐低左之後，店員就俾生果我地食，呢樣野真係算幾貼心。跟住我地就開始簡野食，係我地簡嘅過程入面，店經理好熱情咁為我地講解所有野食，令我地更加了解呢間舖嘅特色。於是我地就決定跟隨店經理嘅指引去叫野食。跟住無幾耐就黎左兩個前菜(椒鹽雞軟骨，炸魷魚鬚)
椒鹽雞軟骨味道比較淡，不過可能剛剛炸起，非常脆身。炸魷魚鬚就唔係剛剛炸起，有點凍，不過魷魚就都算有口感。再過多十幾分鐘左右，雞煲就上枱喇
豬軟骨是加68蚊追加嘅，經理話有雞又有豬，咁會正啲喎。我都係第一次將豬軟骨同雞煲撈埋一齊食，個感覺好特別，不過肉質都很淋，唔會好硬，唔洗用力都可以咬得開。而雞煲由於我地有人唔食得辣，所以就叫左個bb辣，所以對我呢個寫得ok辣嘅人黎講，無咩特別感覺，不過我個朋友不停咁喝野，應該呢個辣都唔係bb咁簡單。個雞煲雖然比較油膩，但係整體都算唔錯，雞肉都算滑，味道都幾濃郁。而且為左防止我地焦底，店員每隔一段時間都會過黎幫我地搞下個底，呢樣真係值得一讚。配料方面，首先叫左手切肥牛，肥牛牛肉味很足，又唔會太肥，而且餐廳舖肥牛舗到好靚，所以佢唔單止令人飽肚，仲有充滿你視角嘅享受。
跟住百花加咸牛肉芝士釀油條，呢樣野係呢間舗嘅特色，將咸牛肉芝士或者墨魚滑釀入去油炸鬼入面，放入煲入邊煮一分鐘就食得。油炸鬼脆卜卜，配埋咸牛肉芝士或者墨魚滑，味道好特別，而且兩樣野非常配搭。
響鈴響鈴還沒有放湯前是很脆的，放了入火鍋後響鈴會變軟身就這樣入口不算是脆口鬆化，所以理所當然的是放進雞煲後的火鍋裡了！
手打丸墨丸同蝦丸都超級爽口彈牙是不能不吃的！感覺就好似食緊墨魚同蝦一樣。
野生竹笙皇竹笙超新鮮, 只須放落煲煮一下就可以食。
蟶子皇呢樣野真心好滿意，因為蟶子煮左之後，就爽口又鮮甜，令人一試難忘
新鮮脆鯇件脆肉鯇煮左之後，超有口感，食得出係新鮮魚，比一般嘅任食雞煲好好多。
總括黎講，呢間餐廳用料新鮮而且服務態度唔錯，所以都係值得一去嘅。
Post
