土耳其小城 (萬昌樓) (Closed)

收工係元朗搵餐廳食飯，竟然發現到一間門面內外裝修得精緻，處處充滿土耳其風情，甚至連Menu同紙巾設計得勁有心思。加上燈飾都係土耳其風格彩色吊燈，唔係普通吊燈，餐廳環境加分到爆。加上香港好罕土耳其餐廳。咁咪入去試下味啦。首選牛油烤餅，一入口充滿牛油香味之餘又唔會太油膩。同埋個餅勁鬆脆可口加埋餐廳三種醬汁配合，有個種唔同風味。小食選擇左鬆化咖喱角同草原串燒牛肉串。個咖喱角勁鬆脆，食落chok chok聲，而且炸咖喱角一D都無油溢味，咖喱角內涵料勁香辣辣咖喱。唔會過於辣。 加埋燒牛肉串，好大份量，牛肉串好牛肉味好重，唔係加左鬆化粉咁，而且係鬆軟綿密多汁。主食叫左個咖喱克勒雞肉炒飯，呢個飯真係好好食👍👍，同普通炒飯分別太大，雞肉切得勁大粒，同埋加埋咖喱同香料炒埋一齊，個飯唔會因為加左咖喱而太辣，反而入口辣度適中，加上咖喱本身帶有濃濃香味配合埋其他香料炒埋一齊，帶出一種濃濃中東菜風味出來。我地總選擇左土耳其茶。同我地平時飲茶好唔同，茶水唔會太濃令到要加水先可以入口，土耳其茶反而淡淡茶味，令人齒頰留香。