Video
Read full review
2014-08-18
3129 views
4月6日, 得悉喺鰂魚涌公廠大廈有一間做堂食又做外賣嘅PIZZA店, 所以今晚喺PIZZA HUT, PHD以外, 我地就揀咗叫呢間PIZZA店嘅外賣~::: 2人餐 :::::: 湯 + 沙律 :::呢個蕃茄湯好杰, 絕對唔係加水溝稀, 味道亦都好濃郁, 酸酸甜甜咁非常之開胃~ 凱撒沙律份量都唔少, 每人有一兜, 沙律菜唔算新鮮, 不過撈咗沙律醬食都ok嘅.::: BBQ Pizza :::個pizza餅底用上燒烤醬好惹味, 甜甜地十分之醒胃~ 用料有粟米、火腿同豬肉腸, 啱晒啖啖肉嘅我~ 餅底係薄批嗰隻, 熱食好香脆又唔會韌, 不過一定要襯熱食~::: 蜜糖燒雞翼 :::雞翼十分好味, 味道十足肉質幼嫩, 仲有成8隻咁多, 好滿足~::: 燒法國帶子配AGE自家製墨魚汁扁意粉 :::呢個可以話係全店推介, 包保食完會想再encore~ 墨魚汁好濃郁, 佢地仲會額外附加一兜墨魚汁, 唔夠可以自己加~ 意粉除咗墨汁味之外, 仲有淡淡嘅蒜香, 味道有層次感~ 唯獨帶子只有3粒, 好似唔係好夠, 味道係唔錯, 煎得好香又唔會燶, 仲落咗d調味~::: 藍莓奶凍 + Tiramisu :::
::: 2人餐 :::
::: 湯 + 沙律 :::
呢個蕃茄湯好杰, 絕對唔係加水溝稀, 味道亦都好濃郁, 酸酸甜甜咁非常之開胃~ 凱撒沙律份量都唔少, 每人有一兜, 沙律菜唔算新鮮, 不過撈咗沙律醬食都ok嘅.
::: BBQ Pizza :::
個pizza餅底用上燒烤醬好惹味, 甜甜地十分之醒胃~ 用料有粟米、火腿同豬肉腸, 啱晒啖啖肉嘅我~ 餅底係薄批嗰隻, 熱食好香脆又唔會韌, 不過一定要襯熱食~
::: 蜜糖燒雞翼 :::
雞翼十分好味, 味道十足肉質幼嫩, 仲有成8隻咁多, 好滿足~
::: 燒法國帶子配AGE自家製墨魚汁扁意粉 :::
呢個可以話係全店推介, 包保食完會想再encore~ 墨魚汁好濃郁, 佢地仲會額外附加一兜墨魚汁, 唔夠可以自己加~ 意粉除咗墨汁味之外, 仲有淡淡嘅蒜香, 味道有層次感~ 唯獨帶子只有3粒, 好似唔係好夠, 味道係唔錯, 煎得好香又唔會燶, 仲落咗d調味~
::: 藍莓奶凍 + Tiramisu :::
甜品要咗一個藍莓奶凍, 另外加錢要咗tiramisu~ 奶凍就普通野, 不過tiramisu就唔太值得加錢... 雖然佢味道係唔錯, 手指餅亦夠咖啡香, 但個質感就唔係好預期之中, 有少少實實地, 有d失望...
總括, 呢間半外賣式pizza店, pizza同意粉都有水準, 雖然價錢貴少少, 但總比成日食pizza hut都食到悶~ 佢地有印花儲, $60換一個, 儲夠10個就可以當$60用, 都幾化算, 我地都會耐唔中叫一次, encore佢個帶子墨魚汁意粉~
Post
