必勝客 (Closed)

Lunch個時去左呢間Pizza Hut，貪坐得舒服，個埸多空位！客人得十個以下，但竟然lunch set menu的黑松露意粉同鹹蛋黃醬雞肉焗飯暫時供應!? 無得試伏，就叫個「點芝扭扭批精選2人套餐」$332先！兩款批都幾吸引，自從上次試完Simon Yu三文魚之後，今次都係食番普通批「陸上爆點」。陸上爆點個爆點係芝士，岩晒芝士迷！扭扭批邊無得輸，拉出黎會見到雙色芝士，芝士色香到一個點。陸上爆點表面既芝士都比其他批既為多，加$10追加點點芝士醬，就啖啖都係芝士加芝士啦！配料方面，主要食金門火腿、青瓜，味道都幾ok。但係呢間分店唔好食既係葡國雞意粉同野飲。唔知係咪太少客，整得好求奇。好似擺左好耐，岩岩拎去番熱左一陣咁，原來唔係整碟都係熱，雞肉仲有陣味，個汁都唔係平時既水準。野飲都係失水準，飲落唔同左。薯條又燶。早知咁差，真係唔會叫套餐。