公和荳品廠 (Closed)

特地去九龍城, 想睇下以前讀書時的店鋪還在嗎?? 想睇下周圍變成點~ 公和還在~ 鋪頭沒變, 但多了很多人來吃, 豆腐花款式又多了, 這是與時並進嗎??阿姐很忙, 坐低等左好耐都冇理我, 本想叫芝麻黑豆腐花, 我大聲叫了, 阿姐冇出聲走開左, 等左好耐, 佢拎左俾其他人都冇俾我, 我再睇真D個餐牌, 原來黑豆腐花, 星期六/日才供應~ 唯有叫了薑汁豆腐花~ 比以前讀書時吃的大碗了很多, 以前係細細碗, 當然價錢比以前都貴左好多, 以前都只係幾蚊一碗~薑汁不太辣, 淡味D, 好似唔夠甜, 豆腐花豆味濃, 也是滑, 但已經冇讀書時吃的滑~ 很多款式, 價錢也價了~ 特地來, 當然買埋佢地辣腐乳~ 回家吃過, 不太辣, 豆味濃, 略好似帶酒味~ 重遊舊地, 以前好似有阿叔招呼, 而家變哂忙碌的阿姐, 人多了, 態度都冇以前咁好, 鋪面的煎讓三寶反而好多人買, 以前D人多數來買豆腐, 腐乳, 坐低食返碗豆腐花, 飲杯豆漿, 唔會好似而家咁多花臣.......... 我都比較喜歡以前的公和~