Video
Read full review
2017-12-17
330 views
人生第一次打憤怒食評！原本一心一意同很久沒見的好朋友食個生日午飯，諗住一路燒烤一路開心傾吓計... 朋友住附近所以去咗等位先，朋友都好安份咁等咗半個鐘也接近下午兩點才有位，然後被按排入去，最後被安排咗一個令人極尷尬的二人「排排坐」位置兩個面對住空氣及人來人往的侍應及手推污穢碗碟車！但環顧四周也超過六、七張正常卡位都是只有二人坐著，而且還有三張是空卡檯，我地都好聲好氣咁同侍應講，想話要求換張卡位坐好似其他人咁，又解釋埋我同朋友太耐冇見，話唔想咁樣好怪咁排排坐而冇辦法傾計，初時侍應都唔太想理我地又話多人等位又盛，好笑在仲叫我睇吓週圍都冇乜二人坐卡位，當然我便即時叫佢望一望週圍正正就有超過六、七檯只有二人的卡位食客，佢都即時冇聲出轉話題話轉頭試安排，我地亦有講話唔介意等因為反正都等咗咁耐。我朋友較早前叫咗個類似鐵板芝士飯之類，我地就食住等安排然後再決定是否叫燒烤肉類？冇耐侍應過來同我地講，有檯客人訂了位但未到，可暫時俾我地坐，但二十分鐘後如果客人到，我地又要離開轉位俾翻佢地！我地就話咁我地可以照再排隊，我地只係想好似其他二人客人一樣，坐面對面的卡位而已，但如安排只能坐二十分鐘又有機會隨時要撤
Post