大班麵包西餅 (Closed)

中環的「大班麵包西餅」一直都被我遺忘了，因為它隱藏在中環中心，就算經過這地標也不會醒起這間樓上舖。直到最近有食評提到這餅店除咗出售麵包西餅外，亦兼售快餐食品、西式焗飯、潮州粉果、糯米雞等，才醒起它的存在。趁今日有空便決定行過來看看。中午時份原來都有頗多 OL 過來覓食，因為除咗麵包西餅、三款飯盒之外，店舖仲有車仔麵、沙津等供應，而店員亦都很殷勤地在顧客群中介紹多款剛拿出來的麵包。外購了菠蘿海鮮炒飯 ($24), 材料有蟹柳、蝦仔、魚肉等，比較特別是面頭灑上黑芝蔴，聞落去頗香，但吃起來感覺太乾了，食味只是一般。另選購了一些麵包，日式牛油軟包 ($5.5), 揀選這個是因為它外貌很像我早前在 Das Gute 吃過的一個法式牛油軟包，可惜這個有外形就無實際，完全無牛油香味，只是白麵包一個，竟敢收我 $5.5 咁搶錢，真可惡。至於迷你藍莓丹麥酥($3.5) 及迷你芝士火腿酥($3.5) 亦只是普通貨色，酥皮唔脆，餡料超少，唔怪得大班的麵包西餅一直都不及美心、東海堂般受歡迎，睇嚟大班只有一年四季都賣冰皮月餅好了。