Video
Read full review
2017-07-23
486 views
由於前晚同老公o係隔離東海薈食晚飯時,見到迷你月餅做特價,而且我應該未食過東海月餅,就先以優惠價$201.00,即場買o左原價$266.00一盒8個o既迷你奶黃月餅劵,到中秋節分俾家人,但後來諗諗吓,覺得奶黃月餅好普通,於是決定同老公o係尋日(22-7-2017 Sat)晏晝再過o黎買另外一盒8個,有4種味道o既迷你月餅兩盒,咁一家人就分得勻.而咁o岩,女友人WK一朝早搵我,問我得唔得閒,佢俾手信我,真客氣.我話佢知我同老公會o黎呢o度後,佢就join埋我o地一齊.就係咁,我o地3人一齊o黎食,我同WK o黎攞位先,我o地o係等o既時候,睇吓佢o既蛋糕甜品,好似好吸引,我又見到東海月餅o既宣傳牌擺o左o係o度,原來呢間都係東海集團o既.我o地等呀等,終於等到,等o左接近半個鐘,終於有位,冇耐我老公都到o黎,研究o左menu 好耐,原來早,午,晚三餐時段o既選擇唔多,午餐包飲品但唔可以加錢升級要特飲,要以正價叫,而最吸睛o既海濤窩夫,只o係3點至8點供應,最後我o地要o左:1. $88.00o既全日早餐有松露炒嫩蛋,芝士烤蘑菇,風乾火腿,牛角酥,茄汁焗豆,煙肉,豬肉腸同烤番茄.松露炒嫩蛋
到中秋節分俾家人,但後來諗諗吓,覺得奶黃月餅好普通,於是決定同老公o係尋日(22-7-2017 Sat)晏晝再過o黎買另外一盒8個,有4種味道o既迷你月餅兩盒,咁一家人就分得勻.而咁o岩,女友人WK一朝早搵我,問我得唔得閒,佢俾手信我,真客氣.我話佢知我同老公會o黎呢o度後,佢就join埋我o地一齊.就係咁,我o地3人一齊o黎食,我同WK o黎攞位先,我o地o係等o既時候,睇吓佢o既蛋糕甜品,好似好吸引,
我又見到東海月餅o既宣傳牌擺o左o係o度,
原來呢間都係東海集團o既.我o地等呀等,終於等到,等o左接近半個鐘,終於有位,冇耐我老公都到o黎,研究o左menu 好耐,原來早,午,晚三餐時段o既選擇唔多,午餐包飲品但唔可以加錢升級要特飲,要以正價叫,
而最吸睛o既海濤窩夫,只o係3點至8點供應,
最後我o地要o左:1. $88.00o既全日早餐
有松露炒嫩蛋,芝士烤蘑菇,風乾火腿,牛角酥,茄汁焗豆,煙肉,豬肉腸同烤番茄.
松露炒嫩蛋o既松露落得o岩o岩好,好香;蛋係嫩,唔錯.
風乾火腿唔太鹹;煙肉就好鹹;豬肉腸,烤番茄同茄汁焗豆正常冇問題;芝士烤蘑菇冇乜味,不過唔會太乾; 牛角酥牛油味淡,而且都唔算好酥,一般.
味道: 2.75分
熱奶茶,就係俾紅茶我自己加糖加奶,
咪就係冇味囉.味道: 0分
2. $118.00o既車打芝士煙肉流心蛋牛肉漢堡配薯條
老公o既主食,佢俾啲啲我食,牛肉漢堡冇味而且口感實,有冇攪錯?老公話要連埋佢o地醃過o既紅洋蔥食至有味, 生o既紅洋蔥醃過後,味道似蕎頭,不過有少少辣味.而個包呢,帶有少少鹹味,外面仍烤得脆.
而原來個牛肉漢堡係中空,要o黎擺流心蛋.
味道: 2.67分
凍咖啡,
老公話唔錯.
3. $108.00o既低溫烤春雞半隻配意大利黃意瓜伴燒汁
呢個係我o地坐低後,隔離枱吹過o黎o既香味吸引我o地,
但隻雞又係冇味;只係配菜好味.味道: 1.75分
熱咖啡,WK食完o野至叫上,佢話都OK.
食完呢主食後,就諗食甜品.都係放棄$168.00兩位用o既海濤窩夫tea set,改要櫃裡面o既甜品,我o地要o左:
4. $32.00o既藍海mousse
呢個係老公o既,我o地大家都互相試啲,底下o既mousse係牛奶味,上面淺藍色啫喱屠食唔出咩味,只知清清地,唔太甜.
味道: 4分
5. $35.00o既草莓吉士撻
呢個係WK o既,我同老公只食士多啤梨,士多啤梨側邊o既係開心果碎,增加口感之所以, 開心果碎亦都好好味.
WK話吉士冇乜蛋黃味.
味道: 1分
6. $30.00o既蛋白檸檬吉士撻
呢個係我o既,上面o既蛋白好甜,輕輕一燒,有啲香脆,而佢本身都夠挺身,而下面o既檸檬吉士就酸酸地,中和返蛋白o既甜,最或係有層蛋糕,幾鬆軟;而個撻皮都幾硬同甜,一般.
WK就話呢個清清地,唔錯.
味道: 4.5分
服務:
本來都唔錯,但一個年紀應該係最大o既女侍應,係咁問我o地落單未,又企o係o度等,我已經同佢講我o地諗諗.我影menu,佢又昅實,想點?
價錢:
新開張期內,全單有85折,
不過貼士冇85折,即係$411.00-($411.00*0.15)+$41.10=$390.40.
1.9分
Post
