快樂小羊火鍋餐廳

Open Now

Now Closed

快樂小羊只有小羊得快樂，而您就是沒快樂！老老實實，呢間店價錢係中上就－早知，想食啲靚食材，俾貴少少真係冇所謂啦！不過，你使唔使限住只食兩小時先？呢間店唔係任飲任食嚟嘅喎，－夠鐘就準時叫我哋埋單，使唔使咁呀？跟住見你未走，就過嚟收曬你啲碗碗碟碟，再唔走就嚟熄咗你嘅煲，再唔走就連你嘅湯煲都收埋！喂，嘩曬都幾個人食，每一人都要三佰幾四佰落樓㗎喎⋯⋯ 當然我做客人都好明白，如果有人等位嘅，做生意就冇辦法啦！～～～ 喂呀！我坐三樓，行樓梯落去，成層二樓冇人坐，使唔使咁趕我哋走呀，咁嘅服務質素，你送幾多coupons俾客都冇用，我都真係唔會再嚟幫襯囉！講返食物：成雙湯底$118，清湯味濃，跟以前的小肥羊或者內地的火鍋店差唔多，啲肉唔使再點豉油食都已經好夠味。羊羊大拼盤$268，羊肉擺置得好靚，羊味濃郁，塊塊羊肉厚度適中，咬口不錯，非常美味。金蒜燒廣島蠔$118，蠔身尺寸適中，蒜香撲鼻，美味可口，配美酒－流。蒙式烤串$28/串，肉味香濃，粒粒厚度剛剛好，肥瘦均勻，羊肉香味，可令你暈之一陣。雙丸，鮮蝦丸拼墨魚丸$98，肉味新鮮，粒粒Q彈。