Video
Read full review
2020-03-25
3550 views
本身想去觀塘工廈任食牛扒，點知摸門釘😑，所以隨即喺附近搵嘢食。喺我心目中，觀塘中伏嘅機率真係超高，性價比好低。如無做定功課，嘢真係唔可以亂食。我同朋友去咗APM蕩下，見以前排隊排到好誇張嘅春水堂竟然得小貓三四隻等緊，所以就決定試下啦！安排我哋入座同負責收銀處嘅店員就好有禮貌，但舖內其他店員普遍都黑黑地面🌚，唉！餐牌望落好似好多選擇，實則唔少都係同一類別嘅嘢，揀嚟揀去都無幾多樣。台灣菜嚟講，佢定價算貴，飯同麵等主食起碼要$7x-$8x，又無得以優惠價加配飲品。另外，留意返一杯珍珠奶茶都盛惠$3x😟。我哋叫住兩份主食、兩份小食、一份甜品同一杯飲品，計埋加一，埋單就已經要$420😱。但我哋無飽肚感之餘，基本上全部鹹食嘅味道都唔合格，好難食。滷香拼盤($78)，首先份量好少，第二係味道勁淡，完全無香無味，啡啡地色懷疑係落咗老抽／色素、但任何其他醬料欠奉...；而且旁邊嗰碟油狀般嘅汁亦係無味。再者，就係食完哂成碟，我哋都唔知碟滷味有乜，食得出有豬大腸同金錢肚，但第三樣係乜就不得而知🤢。本身想問店員，但都係由佢。手工麻香麵線($48)，本身我自己就好鍾意食台灣麵線嘅口感，點知呢到又係顛覆咗佢原有嘅
本身想去觀塘工廈任食牛扒，點知摸門釘😑，所以隨即喺附近搵嘢食。喺我心目中，觀塘中伏嘅機率真係超高，性價比好低。如無做定功課，嘢真係唔可以亂食。我同朋友去咗APM蕩下，見以前排隊排到好誇張嘅春水堂竟然得小貓三四隻等緊，所以就決定試下啦！
安排我哋入座同負責收銀處嘅店員就好有禮貌，但舖內其他店員普遍都黑黑地面🌚，唉！餐牌望落好似好多選擇，實則唔少都係同一類別嘅嘢，揀嚟揀去都無幾多樣。台灣菜嚟講，佢定價算貴，飯同麵等主食起碼要$7x-$8x，又無得以優惠價加配飲品。另外，留意返一杯珍珠奶茶都盛惠$3x😟。
我哋叫住兩份主食、兩份小食、一份甜品同一杯飲品，計埋加一，埋單就已經要$420😱。但我哋無飽肚感之餘，基本上全部鹹食嘅味道都唔合格，好難食。
滷香拼盤
$78
37 views
0 likes
0 comments
手工麻香麵線
$48
40 views
0 likes
0 comments
手工麻香麵線
$48
40 views
1 likes
0 comments
麻辣牛肉麵(半筋半肉)
$82
37 views
0 likes
0 comments
麻辣牛肉麵(半筋半肉)
$82
33 views
0 likes
0 comments
滷汁排骨便當
$82
40 views
0 likes
0 comments
滷汁排骨便當
$82
31 views
0 likes
0 comments
雖則我同朋友係大食，但食咗四樣嘢都唔飽真係有啲無奈，可能係無乜肉落肚🍖嘅關係啦。就算想再叫，都覺得無嘢啱，再點再食都應該不能填飽我哋嘅食慾，所以轉戰甜品。餐廳有少許抵讚嘅地方就係甜品會主動問使咪後上。
珍珠熔岩蛋糕
$58
59 views
0 likes
0 comments
珍珠熔岩蛋糕
$58
277 views
0 likes
0 comments
凍珍珠茉香奶茶
$34
46 views
0 likes
0 comments
總括嚟講，我認為香港店嘅鹹食真係有負春水堂之名，我印象中台灣未到話勁好食，但一定唔係咁嘅味囉！如果人生中第一次食春水堂係香港呢間，一定無回頭囉...🙅🏻♀️，唔好食又唔抵食。不過淨係嚟飲杯珍珠奶茶、食下甜品，呢到都係一個唔錯嘅選擇(唔使等位嘅情況下)。餐廳環境幾有文青氣息，牆身畫咗啲花點綴一下，而且座位幾闊落，整體算光猛同乾淨，唔錯。最後，出去賣單時下載餐廳個App做會員有兩個口罩送😂。
Post
