Video
Read full review
2020-07-18
1377 views
星期六難得休息就去土瓜灣探下親戚。去左半山壹號商場入面嘅茶樓尚宴21飲茶。先叫燒鴨瀨粉。燒鴨有少少臭。瀨粉粗幼適中，一d都唔粉，彈牙有口感。除左燒鴨重有菜心，菜心新鮮爽脆冇渣。鹹水角好脆，炸得好乾身，唔會油淋淋。叉燒腸外層嘅米漿夠薄夠腍，叉燒份量足，唔會集中曬喺一邊，啖啖都食到。燒賣只係$9咋！原來只限星期一至六供應，假日暫停。今日咁啱係星期六，啱啱好趕得切享用呢個優惠，梗係要試下啦！燒賣粒粒都咁大粒，漲鼓鼓。面頭有好多粒蟹籽，一咬d蟹籽就喺口腔內爆開，為燒賣添上口感。豬肉唔會有冰鮮解凍後嘅異味。藥膳雞腳一上枱——超香呀！有淮山、杞子同紅棗，好足料，超補身！淮山切得好薄，口感爽。雞腳夠肥，幾多肉，有四隻咁多！好多骨膠原呀！藥膳湯可以飲埋，藥膳味甘唔會苦。如果要挑剔嘅話，我嫌藥膳味唔夠濃，濃d會更入味！呢間茶樓夠大，坐得幾舒服。重有電視睇！部電視重大大部，坐得遠d 都睇到。可以邊嘆茶邊睇電視，一樂也～
先叫燒鴨瀨粉。燒鴨有少少臭。瀨粉粗幼適中，一d都唔粉，彈牙有口感。除左燒鴨重有菜心，菜心新鮮爽脆冇渣。
鹹水角好脆，炸得好乾身，唔會油淋淋。
叉燒腸外層嘅米漿夠薄夠腍，叉燒份量足，唔會集中曬喺一邊，啖啖都食到。
燒賣只係$9咋！原來只限星期一至六供應，假日暫停。今日咁啱係星期六，啱啱好趕得切享用呢個優惠，梗係要試下啦！燒賣粒粒都咁大粒，漲鼓鼓。面頭有好多粒蟹籽，一咬d蟹籽就喺口腔內爆開，為燒賣添上口感。豬肉唔會有冰鮮解凍後嘅異味。
藥膳雞腳一上枱——超香呀！有淮山、杞子同紅棗，好足料，超補身！
淮山切得好薄，口感爽。雞腳夠肥，幾多肉，有四隻咁多！好多骨膠原呀！藥膳湯可以飲埋，藥膳味甘唔會苦。如果要挑剔嘅話，我嫌藥膳味唔夠濃，濃d會更入味！
呢間茶樓夠大，坐得幾舒服。重有電視睇！部電視重大大部，坐得遠d 都睇到。可以邊嘆茶邊睇電視，一樂也～
Post
