榮壽司 (Closed)

都叫做俾港式壽司搵笨過好多次，被新加坡壽司搵笨條氣真係好唔順。先說豉油，沒有人期待會用萬字牌，但起碼不是怪味醬油吧？廚師全躲在一角，無法看到到底壽司是機製還是手製？出菜超慢，迴轉帶上全部食物乾癟癟，食針魚，針魚乾過飯，食碟赤貝，飯竟然死黏在碟底，結果唯有魚還魚，飯和飯分開吃。落單叫，叫帶子沒帶子，叫油甘魚沒油甘魚，叫火炙三文魚沒火炙三文魚（怪的是有三文魚）叫鰻魚沒鰻魚，叫碎蔥拖羅沒碎蔥拖羅，最後總算砌夠有5碟叫，竟然等了半個鐘。迴轉帶上的當然是機製，至於人手製的，不是沒有，只是一夾就散。叫碟熟的鯖魚，這生人第一次吃下有筋兼且咬不開的鯖魚，除了一個海膽壽司和三文魚「肥」腩（二者均不在迴轉帶上）叫做水準強差人意之外，其餘通通在元乜元物之下。咁搞，不如去超級市場買番來好過。唯一可取的是侍應生的態度。不過，對唔住，幾好都冇用，我係想來食飽飽，就算受氣都要食飽o架。時為下午六點，已經乜都冇，我以後仲點敢黎食？