嘩鬼拉麵 和風料理 (Closed)

每次揸車去元朗接老婆大人收工，娘親大人一定要我嚟呢間買大件壽司返企孝敬佢…可以講既係d壽司有進步(食咗幾年，睇住佢進步)，由d三文魚魚生唔新鮮冇魚味到宜家d魚生總算似返d樣，算好食過元X同X氣！加上價錢唔貴，不過壽司上面塊魚生就幾大塊。d蟹籽就脆卜卜，劍魚同吞拿魚魚生都唔差。不過上次同班朋友堂食就差咗D。叫咗兩個set。一個係雞飯，一個係吉豬飯，加埋餃子同蟹籽三文魚沙律。飯就冇乜優缺點，都算好食，個餃子一早冇乜期望(賣壽司既鋪頭d餃子邊會好食)，所以冇乜失望。個沙律d三文魚居然冇外賣咁新鮮。侍應d效率同反應就真係差既，叫佢哋加茶，等咗成兩個字，叫佢哋落單，好似撞聾咁。下次都係叫外賣嘞！