一盛極牛 (Closed)

🔥一盛極牛係主打和牛拉麵嘅拉麵店。聽聞好評甚多，就等我試下到底佢嘅主打係噱頭，定係真材實料🤔🔥揀左極牛拉麵，試真店舖嘅牛骨湯。🔥食拉麵梗係先試湯底，揀左’濃味’。香氣濃郁，入口真係好濃牛味，但濃味隨之而來就會偏咸同油。我相信怕咸或怕油嘅人可以叫番’普通’，一樣試到個湯底😁🔥無論和牛刺身定火炙和牛，都算牛味算濃，但爭在無個種和牛嘅濃郁油脂香，而敗筆更在於唔易咬開，有點韌，無和牛應有入口即溶嘅感覺，絕對係理想與現實嘅分別🤦🏻‍♂️餐牌介紹和牛係來自日本熊本縣嘅和王，有A4至A5級數嘅大腿肉。聽落吸引，係咪我唔好彩呢😅🔥再講麵身，揀左普通硬度，食落嘅口感都係普通😂唔算彈牙或有蛋香，還好嘅係唔會好粉。🔥溏心蛋就合符預期，生熟度剛好，蛋黃有流心質地！總括而言，中規中矩，牛骨湯底同溏心蛋勉回一點分數。Feast Level: 🔥🔥🔥/5