海南雞公主 (Closed)

海南雞飯喺香港無論喺茶餐廳、專門站定東南亞菜餐廳就有機會成為選擇。今次食嘅海南雞公主主打外賣，堂食位真係唔多，數盡得6個。咁好彩我哋嚟食又有位，嚟到專賣店梗係叫招牌啦！先講成份餐，有一粒炸雞粒做小食，一杯泰式沙律開胃，仲有主菜海南雞飯。小食雞粒太似炸鯪魚球，無乜驚喜。用魚露配柚子沙律🥗味道比較咸係幾開胃。到主菜嘅海南雞份量十足，如燒臘舖嘅例牌一樣多，去骨而且油份充足，而雞肉亦非常嫩滑，配埋薑䓤同酸辣醬都好好食，可惜醬料3選2，試唔到泰式麵豉醬，聽聞都好好食嘅。食完真係可以捧住個肚走。