Mee (Closed)

五月廿四，七點半來到。店子細細，但唔駛等位。之前經過都想搵日試試，店面佈置裝飾好吸精，一望就知係食星馬菜。叫左海鮮蝦麵同椰漿飯。野飲就叫左桔仔冰同桔仔梳打。強烈推薦要叫桔仔梳打，唔好叫桔仔冰。桔仔冰飲落只係似飲檸水咁，梳打係好味好多。咖央薄餅，甜甜地，但個薄餅就硬左少少。個汁好香椰味，入面有兩小舊薯仔。仲有魚乾仔同花生，撈埋飯一齊食係好好味，多種口感。炸雞略嫌個皮厚左啲，不過內裡雞肉都仲嫩滑既。另外碟邊仲有個辣醬，都係好惹味，點個炸雞食，正！海鮮蝦麵叫左滲滲，係油麵同米粉兩溝。蝦有少少梅，唔太新鮮。個湯底都幾辣，不過幾惹味。