Video
Read full review
2009-05-31
12 views
住o左o係坑口就黎兩年喇, 聽講係坑口村有間唔錯o既steak house, 今日終於同老婆去左試下. 當日(4~5點)打電話去訂位o既時候, 都擔心會冇位, 點知又好好彩, 6:30 同8:30都有位喎, 於是就訂左6:30 時段, 去到餐廳o既時候, 只係6:20, 早左十分鐘, 見到裡面o既廚師們都好忙咁準備緊, 反而幾個侍應就有講有笑咁係到等夠鐘, 於是我同老婆睇左一陣menu, 都唔見佢地出黎"招呼"下, 咁就入去同佢地講下, 話我地訂左6:30 兩位, 睇下可唔下以入去坐住等, 負責應門o個位男侍應都想比我地入去坐 (而佢亦將門牌由"休息"轉成"營業中") , 但係裡面o既侍應就示意要我地繼續o係門外等, 要我地等到6:30先可以入座, 之後佢地就繼續"有講有笑", 呢一個情形, 真係令人好難理解, 難度冇收服務費. 就可以不理客人o既感受? 定係早10分鐘入座, 會影響店舖運作, 阻礙準備工作? 還是覺得自己有點"名氣", 就要擺出一d架子呢?無論原因係咩都好, 如果侍應可以彈性處理呢種情況, 冇o左呢10分鐘等候o既時間, 呢間餐廳o既總分應該會唔錯, 之前睇到有其他人
去到餐廳o既時候, 只係6:20, 早左十分鐘, 見到裡面o既廚師們都好忙咁準備緊, 反而幾個侍應就有講有笑咁係到等夠鐘, 於是我同老婆睇左一陣menu, 都唔見佢地出黎"招呼"下, 咁就入去同佢地講下, 話我地訂左6:30 兩位, 睇下可唔下以入去坐住等, 負責應門o個位男侍應都想比我地入去坐 (而佢亦將門牌由"休息"轉成"營業中") , 但係裡面o既侍應就示意要我地繼續o係門外等, 要我地等到6:30先可以入座, 之後佢地就繼續"有講有笑", 呢一個情形, 真係令人好難理解, 難度冇收服務費. 就可以不理客人o既感受? 定係早10分鐘入座, 會影響店舖運作, 阻礙準備工作? 還是覺得自己有點"名氣", 就要擺出一d架子呢?
無論原因係咩都好, 如果侍應可以彈性處理呢種情況, 冇o左呢10分鐘等候o既時間, 呢間餐廳o既總分應該會唔錯, 之前睇到有其他人講過呢種情況, 雖然有心理準備, 但係發生係自己身上o既時候, 都真係幾影響心情
講返野食啦, 食扒黎講, 選擇都算幾豐富, 主打澳洲牛(仲有美國牛),
"印象中..."澳洲牛分三種
black angus,
"MB2"?,同
wagyu
之後再可以選
西冷,
肉眼,
T骨,同
牛柳
仲有好幾款汁比你選(唔記得有幾多款)
我同老婆每人點左一個主菜, 住o左係澳洲成六年, 成日食扒o既我都未聽講MB2, 聽完侍應講解之後, 就選左MB2 o既 肉眼扒試下啦, 再加Lardos special o既pork ribs...
前菜
淨係食左免費供應o既麵包同沙律, 兩樣都幾新鮮
麵包如果加熱左先上枱, 再有埋黑醋+橄欖油, 會好好多
沙律呢, 可能真係好新鮮, 有小動物加入一齊開飯, 冇小動物o既加入就好喇
主菜1 - 肉眼扒+蘑菇汁
件扒本身幾靚,師傅又煎得好, 食/睇得出係有心機煮o既一份扒, 所以都食得好開心. 其實食扒都唔使點樣點汁已經好好味, 反而食d配菜加左汁就會好味好多. 不過今次呢個蘑菇汁就真係麻麻, 個汁就好有肉味, 但係蘑菇味就"訂"企. 開頭仲以為佢比錯汁, 但係又比我搵到一片蘑菇喎, 只不過係冇蘑菇味o既蘑菇汁o者...(以前o係澳洲食開o既蘑菇汁, 會落好多新鮮蘑菇煮(可能蘑菇平,AUD6/kg左右), 所以好香蘑菇味架)
主菜2 - Lardos Special BBQ Pork ribs
呢個主菜就o岩o岩相反喇, 個bbq汁好野味好開胃, 食完會想再食, 但係個肉唔太入味, 好彩夠多bbq汁, 可以係咁點住汁食
兩個主菜o既質數都唔錯o既, 賣相亦幾靚,而份量都好足
環境
餐廳環境都ok, 燈光柔和, 坐在座位可以透過玻璃窗望到廚房. 不過座位與座位之間相距非常之近, 其他客人講野可以清楚聽到, 唔算係一種好好o既享受, 冇辦法啦, 每晚只做到兩轉, 緊係要放多d座位啦, 所以呢, 黎呢到食野好喇, "食飽就好走啦, 談情就返屋企啦"
服務+衛生
頭先都講左好多喇, 有地方要/可以改善o既
1. 老闆/廚師都要留意下食物製作過程中, 邊到出現"問題", 令小動物有機可乘啦.
2. 服務可以貼心D, 早到o既客人好多都係慕名而黎又怕冇位坐, 咁就唔好要客人o係門口白等喇(附近又冇野行呢).
3. 有BB櫈 係好事, 但係張BB櫈高張枱太多喇, 根本就唔o岩用, 可以考慮換d高度合適d o既,BB同客人都會開心d, 安心d.
整體而言, 係坑口呢個地方的確係一個唔錯o既選擇, 如果住係附近o既話, 係間值得一試o既餐廳
Post