甘地印度餐廳 (Closed)

去完昂坪360番到東涌準備食晚飯....好好冇太多選擇印象中睇過食評呢一間係ok o既,而且有車接送,幾好丫~打電話去問佢有冇位,佢話5mins後就黎到接我地,非常快!餐廳環境ok,比較間,但都算乾淨企理!!2個人叫左---老闆推介:炸芝士--幾得意,但唔係想像中咬開會有芝士流出黎果種,而係實o既,奇怪在冇乜芝士味,食落去同個外型差唔多,覺得似食緊肉,似麥樂雞!(想像力太豐富了吧)芒果乳酪--感覺好奇怪,因為我飲到咸味,於是同老闆講聲,佢亦都好好,即刻去試試系攪拌機剩低o既殘餘,但係話好正常,係咁o既味,咁我就唯有繼續飲埋佢,可能係我自己飲唔慣!(天知)唔知乜野蛋汁雞--因為見到餐廳貼出黎係雜誌有介紹,所以就試下,雞好"鞋"好乾,個汁亦唔見得特別,個人認為可以唔試!炒雜菜--ok!(個人覺得炒雜菜點難食都總會有個譜吧)要等20mins的羊脾--本人唔太"好"羊,但都試下啦,可以接受...但未算好食!薄餅--一個字........燶!cobra--友人說係有小小菠蘿味o既啤酒,幾得意!