名苑酒家

Open Now

Now Closed

今日做吓孝順女，同老爸去嘆早茶，可能係假期關係，時間尚早，唔洗等位就直入坐低叫嘢食。脆皮䐁肉韮菜餃 🥟$26真係炸得幾香脆，韮菜亦很香，可惜真係勁多油，一路食一路滴油。鮑魚汁炆鳳爪 🐓 $52呢個值得推介，鳳爪夠大隻，炆得夠入味，又夠腍。個鮑汁味道亦很好，濃味得嚟又唔會太鹹。鮮淮山百合炒西芹 🥗 $68呢碟淮山同百合都炒得夠爽口，但d西芹真係唔得，有陣澀味，最後成碟食晒，剩返d西芹。海班件煲仔飯 🥘 $68魚很新鮮，夠肥美，食魚一向嘴刁嘅老爸都讚d魚好食。不過飯底落水太多(或者未夠火喉，收唔到水)，食落太腍、太黏，失去煲仔飯嘅神髓，如果呢煲叫海班件蒸飯應該會更好。酒樓嚟講，食物質素唔算十分好，但比起商場內另一酒樓，呢間叫做好好多。不過侍應唔多，我們坐位較入，要叫侍應唔太方便。