笠笠咖啡 (Moved) New Location

          一向都有飲咖啡的習慣，朋友介紹過幾次話呢間cafe除左可以食野仲有得自己整拉花，所以趁假期上去玩下。入到鋪頭環境的的骰骰，都有唔少客人用餐，感覺係家庭式既小店。　　服務員好nice，好細心推介咖啡同野食比我地。我叫左個招牌既汁燒雞扒蘑菇意大利包伴薯條（$64）同蜜糖雞翼share（配lunch set 優惠價$35），lunch set仲有杯野飲送，於是要左杯熱茉莉紅茶，朋友就散叫左個蟹柳比薩（$48）。不過黎到呢度梗係要試埋d手沖咖啡啦，咖啡師依據我口味推薦左哥倫比亞豆。又係lunch set優惠價，加$30就有，真係好抵！！！　　原來呢度有搞咖啡workshop，可以學點樣拉花，不過已經飲左杯手沖，下次有機會試下先得。    總體黎講d野食有質素，d咖啡更加唔洗講。我地hea左咁耐基本上都無人趕（爆曬場時就唔知啦），感覺好舒服，一定會再去。