Lobster Central (Closed)

前一晚食自助餐食滯咗，去到下午都冇咩胃口， 但完全唔食嘢又太唔健康，唯有同減緊肥嘅同事一齊去食份量較少嘅午餐。麵包有兩款選擇——龍蝦包同埋蟹包，望落個包比較細隻，唔夠飽嘅人可以加錢改set lunch，配多份薯條同飲品。我就因為想食少啲嘢，所以就單點咗個包啦。因為呢排食得太多蟹腳，所以今次選擇試下龍蝦。雖然個包好細，但係龍蝦肉好足料， 啖啖肉都好鮮甜，係好味嘅，但我諗正常人 唔會夠飽。我覺得呢款包好適係早餐或者下午茶時間食，如果午餐同晚餐就真係唔太夠份量喇。