点心代表 (Closed)

我係蠟筆小新既super fan, 聽聞點心代表出左小新既點心， 當然要來朝聖下啦，之前出過little twins star都有嚟過，希望今次都會有驚喜！個menu好靚，最想帶返屋企首先，嚟咗個奶皇包。係不理不理左衛門嘅造型奶黃汁好多，味道偏甜，朋友唔鍾意食甜嘅，所以食咗一啖就嫌好甜。而且同之前little twins star嘅味道一樣。跟住係牛奶朱古力包，呢個係新出嘅。有小新阿呆同妮妮個朱古力汁唔係好多, 冇流出來。不過呢個比奶皇包冇咁甜。廣志啤酒呢個造型滿分，不過味道普通，同一番啤酒嘅味道一樣。蝦腸，呢度嘅蝦腸係溝埋左蟹柳一齊嘅，感覺蟹柳同腸粉唔係好夾。仲好似食咗好多色素落肚添。呢個蝦餃都一樣，味道普普通通，只不過係印咗小新嘅樣落去。總括嚟講，呢度嘅味道普遍都係一樣，冇太大的驚喜，只不過係每一次轉左唔同嘅卡通，就換左唔同嘅卡通人物係個圖案上面，所以味道有啲一成不變。