UCC Ferie (Closed)

搭車去到上環食lunch。大家都要了set lunch，有沙律、主菜及咖啡茶。所謂沙律是一個雪榚球形狀的蛋白粟米薯茸，毫無味道。五個人佔四個都要茄汁牛肉奄列飯，我亦是其中之一。醬汁又香又濃，可能用了牛油和牛肉汁煮的關係，用來撈飯好滋味，我第一次食晒D汁。蛋煎得好滑。而D飯就好腍，口感唔似珍珠米。另一同事要了魷魚墨汁意粉，原來只是普遍的意粉，再撈上墨汁，而不是黑黑的墨汁意大利粉。我試了一口，味道亦好香，意粉亦夠彈牙。加埋一後，每人$85，認同以下食友所講，以這個價錢，在中上環還有好多更好的選擇。