飲茶 (Closed)

得意點心名字特別，賣相可愛，造型吸引。單單睇菜單上的中文名字，都唔知嗰樣食物係咩，要睇埋英文解釋先知。最後我哋揀咗六款，有五款係造型特別嘅點心。青瓜皮蝦- 清新嘅冷盤，蝦又大又爽，唔錯。鴿吞鳳梨- 即係鳳梨酥。一個鳥籠有三隻雀仔，鳳梨酥就食得多，但係熱辣辣新鮮焗起嘅鳳梨酥就第一次食，好香。睇住流奶- 即係流沙奶皇包。食嘅時候真係要小心，真係流晒出嚟。流沙奶皇做得幾有咸蛋香，又唔太甜。一籠八戒- 即係叉燒包。造型係豬仔， 十分可愛，唔捨得食。但味道就是普通的叉燒包。胭脂玫瑰- 即係饅頭，但有可愛的玫瑰花造型，所以食嘅時候感覺零舍唔同，哈哈。玫瑰花撻- 即係蘋果撻，造型十分精緻，一瓣瓣玫瑰花瓣又係靚到唔捨得食。