牛涮鍋もっと (Closed)

星期六冇節目，諗住同個女同老公去打邊爐，聽朋友講樂富開咗間新嘅牛刷鍋，反正想試吓新野，順便行吓街然後就去樂富廣場入邊嗰間牛刷鍋，我哋都算早到，但都已經有好多人排緊隊，我哋都要等左一陣先至入到位，入邊嘅裝修好得意，用牛豬同雞做主題，雖然依間唔係親子餐廳，但我女見到啲裝修同埋咁得意嘅公仔，都表現得好興奮，我哋叫咗個豬骨湯底加醬油豬骨湯底，牛肉係咁任叫，而且質素仲好高！出邊嘅自助吧，種類又多，食物又新鮮！我最鍾意嘅就係佢嘅沙冰，打邊爐一定要有沙冰啦！有女梗係最鍾意佢嘅軟雪糕啦！其實諗唔到食乜，打邊爐都係一個唔錯嘅選擇！得閒會再嚟過👍🏻👍🏻👍🏻👍🏻