B.Duck & Buffy 德記茶樓 (Closed)

朋友一直都很喜歡主題公仔的餐廳，於是帶她到位於旺角的B Duck茶樓打卡，這兒環境佈置得非常有心思，天花板掛了大型B Duck公仔，牆上有多款壁畫。每台都有一隻B Duck陪你食飯，連茶杯和碗都印有B Duck圖案。 餐牌上有點心、竹筒飯、小食、炸點、車仔麵等等選擇，種類繁多，而且價錢實惠。 鮮蝦春捲外皮炸得香脆，蝦肉爽口，炸物有驚喜。韮菜豬紅韮菜脆綠，味道惹味，但不是每塊豬紅都質地爽滑，質數不夠穩定。流沙奶皇包熱辣辣夠流心，包的質地鬆軟，奶皇甜度得宜，必點。沙嗲金錢肚蒸得剛剛好，入口軟嫩而且好入味，連下面的蘿蔔都吸盡沙嗲味。潮州粉果外皮煙韌，內裏包着沙葛、花生、香蔥等等餡料，口感豐富。如果喜歡B Duck的朋友一定不要錯過，另外，現場都見好多小朋友都好開心，而且食得好滋味，家長都不妨帶小朋友去影相。