Video
Read full review
2021-08-06
642 views
今日約咗朋友去銅鑼灣行街，行街前朋友話想食川菜，於是我哋就去咗呢間好抵食嘅天府川菜度食lunch啦。🐟酸菜魚米線 $78$78嘅酸菜魚米線仲包嘢飲，嚟到見到仲有咁大碗真係好驚訝，心諗點解可以咁抵食。酸菜魚可以揀辣度，我揀咗小辣。啲魚肉好嫩滑，又去曬骨，好味。都大約有十件魚架。🐮水煮牛肉飯 $68又係好大份，除咗牛肉之外，仲有好多芽菜同薯粉，送飯一流。啲牛肉都好滑，飯又大大碗，抵食。水煮牛肉辣得黎都好香，唔會係死辣嗰種。🥬手撕包菜 $68點都要食啲菜，所以叫咗一碟手撕包菜，都好大碟嘅。包菜好鮮嫩，同埋炒得好香，辣辣地好開胃。🌶夫妻肺片 $78午市有得特價夫妻肺片係$28，但就會細份啲，係小食size咁。因為我同朋友都好鍾意食夫妻肺片，所以就決定豪少少，直接叫份正價大份嘅。夫妻肺片作為小食真係好出色，叫咗中辣好惹味。牛肚好彈牙，牛舌亦都好爽口。🌱涼拌木耳 $18呢個就係午市特價嘅小食size。原來都唔係好細份，都夠食。木耳好爽口，掛晒啲涼拌汁好正。🍹紅茶百果樂 +$20將套餐入面嘅飲品轉做呢杯紅茶百果樂只係需要加$20。估唔到好大杯，夠兩個人share。係水果茶咁嘅，入面有好多新鮮水果粒，
🐟酸菜魚米線 $78
$78嘅酸菜魚米線仲包嘢飲，嚟到見到仲有咁大碗真係好驚訝，心諗點解可以咁抵食。酸菜魚可以揀辣度，我揀咗小辣。啲魚肉好嫩滑，又去曬骨，好味。都大約有十件魚架。
🐮水煮牛肉飯 $68
又係好大份，除咗牛肉之外，仲有好多芽菜同薯粉，送飯一流。啲牛肉都好滑，飯又大大碗，抵食。水煮牛肉辣得黎都好香，唔會係死辣嗰種。
🥬手撕包菜 $68
點都要食啲菜，所以叫咗一碟手撕包菜，都好大碟嘅。包菜好鮮嫩，同埋炒得好香，辣辣地好開胃。
🌶夫妻肺片 $78
午市有得特價夫妻肺片係$28，但就會細份啲，係小食size咁。因為我同朋友都好鍾意食夫妻肺片，所以就決定豪少少，直接叫份正價大份嘅。夫妻肺片作為小食真係好出色，叫咗中辣好惹味。牛肚好彈牙，牛舌亦都好爽口。
🌱涼拌木耳 $18
呢個就係午市特價嘅小食size。原來都唔係好細份，都夠食。木耳好爽口，掛晒啲涼拌汁好正。
🍹紅茶百果樂 +$20
將套餐入面嘅飲品轉做呢杯紅茶百果樂只係需要加$20。估唔到好大杯，夠兩個人share。係水果茶咁嘅，入面有好多新鮮水果粒，包括藍莓、紅火龍果同埋奇異果等等，相當足料，仲有椰果添！呢杯飲品解辣都一流，正。
Post
