麵屋丸京

Open Now

Now Closed

今日喺荃灣上完堂，突然好想食拉麵。上openrice睇喺地鐵站附近邊到有啦，搵到路德圍有間丸京，二話不說即刻去食。可能8點半ge關係，門口無乜人排隊，等咗幾分鐘就有位可以坐低。呢排有少少唔舒服，唔想食得咁重味，最後揀咗清湯ge真叉燒拉麵，即係3塊普通3塊慢煮ge叉燒。雖則話有3塊係普通，但味道同咬口都唔錯，有應有ge肉味，同有𡁻頭。慢煮嗰3塊就係一個字淋，同埋有肉香。兩種唔同ge叉燒配搭真係唔錯，尤其係塊叉燒ge邊邊位，有一種好似食緊黑椒豬手ge香味。湯底清甜，唔會好鹹但又夠味。食完飲晒個湯都無問題。麵質我揀咗淋，但佢無煮到糊狀一patpat咁，仍然有應有ge咬口。喺香港食碗拉麵都要8/90蚊ge情況下，丸京ge拉麵性價比真係算高。