Video
Read full review
2017-12-13
222 views
臨近年尾，又係公司聯歡會交換禮物嘅時間，所以同朋友由旺角行到太子，逛左個白鴿轉睇下邊啲野買得過。之後見攰就黎左呢度醫下肚。話明蝦棧，當然主打係食蝦啦所以我地點左個蝦煲及一啲麵同小食，歇一歇腳。先食係是日精選推介之一嘅油鹽水浸北寄貝。每隻都好飽滿同鮮甜，雖然無其他特別調味但正正係油鹽水浸熟先可以突顯出貝肉嘅鮮同結實。而且一滾就收火上枱，所以貝肉先無過老，食落嫩甜。滷水拼盤。雖然只有大腸／雞腳及牛展，但分量都幾多。三款都滷得好入味同香，雞腳嘅皮入口爽脆唔會因為滷得耐而鬆抛抛。大腸嘅脂肪逼走左好多，所以食落唔油膩而且內臟羶味都辟走晒，只留有滷水嘅香料甜味。滷牛展腍滑而不鞋口，筋膜Q彈加上成塊都吸滿滷水汁嘅濃香同微甜味道，十分惹味。之後就係蝦煲，因為點左滷水食物想食清淡少少所以柯打左奶油蝦。呢度嘅蝦煲全部採用大頭蝦，體積夠大之餘又夠多膏同蝦肉鮮甜。拆開蝦頭，第一時間梗係食左佢嘅蝦膏先啦，一吸入口香甜味同近似蟹黃嘅濃郁直衝味蕾，正。蝦肉爽實而清甜，雖然大頭蝦嘅肉身唔算好大但食落都啖啖肉。同埋個奶油煲嘅CREAMY味道好香，又唔會好咸食蝦時一定要點多幾點個汁，可以大大豐富蝦肉嘅味道。鍋底最後嘅洋蔥
油鹽水北寄貝
$128
20 views
0 likes
0 comments
先食係是日精選推介之一嘅油鹽水浸北寄貝。每隻都好飽滿同鮮甜，雖然無其他特別調味但正正係油鹽水浸熟先可以突顯出貝肉嘅鮮同結實。而且一滾就收火上枱，所以貝肉先無過老，食落嫩甜。
滷水拼盤
$98
27 views
0 likes
0 comments
滷水拼盤。雖然只有大腸／雞腳及牛展，但分量都幾多。三款都滷得好入味同香，雞腳嘅皮入口爽脆唔會因為滷得耐而鬆抛抛。大腸嘅脂肪逼走左好多，所以食落唔油膩而且內臟羶味都辟走晒，只留有滷水嘅香料甜味。
滷牛展腍滑而不鞋口，筋膜Q彈加上成塊都吸滿滷水汁嘅濃香同微甜味道，十分惹味。
奶油蝦
$188
21 views
0 likes
0 comments
拆開蝦頭，第一時間梗係食左佢嘅蝦膏先啦，一吸入口香甜味同近似蟹黃嘅濃郁直衝味蕾，正。蝦肉爽實而清甜，雖然大頭蝦嘅肉身唔算好大但食落都啖啖肉。
同埋個奶油煲嘅CREAMY味道好香，又唔會好咸食蝦時一定要點多幾點個汁，可以大大豐富蝦肉嘅味道。鍋底最後嘅洋蔥都唔好錯過，因為佢吸晒奶油汁嘅香甜又有洋蔥本身嘅清爽味道，好好食。
魯肉鮮蝦湯米
$68
21 views
0 likes
0 comments
走出門口時見到個蝦缸由入座時滿滿一缸，得返十數隻。可見得佢地係幾咁受歡迎，雖然有啲可憐但鬼叫你地咁好食咩。
Post
