嘆嘆

Open Now

Now Closed

黃大仙中心有間嘆嘆cafe 主打台灣食品，款式選擇都幾多，包括夜市小食，鐵路便當，一人鍋，台灣麵仲有甜品。卜卜白蜆雲吞鍋平平地都可以有一個儀式感十足嘅小邊爐，麻雀雖小 五臟俱全，有齊蔬菜，丸類，白蜆，雲吞。湯底係相當清甜。招牌牛筋牛肉手工幼麵牛肉濃湯底真心出色，完全做到台式正宗牛肉麵嘅個種紅燒湯底，配料樣樣都好夾成個麵，特別係啲酸菜超好食，牛肉牛𦟌牛筋就調教到香港口感啲，炆到偏淋啱啱好，但唔散之餘仍然保持到小小咬勁。古廟滷水小食拼盤食台灣菜點可以唔食台式滷味，拼盤有齊雞翼，豆腐，蛋，豬耳。滷汁好厚身，味道濃而不咸。夜市小食拼盤有齊小食三巨頭，台灣腸，甜不辣，鹽酥雞。樣樣都各有特色，同埋食落感覺唔太咸同熱氣，所以覺得好食無負擔。甜品桃園三結義個名咁有有義名，証明份量真係夠哂良心，真心抵食，又有刨冰，芋圓，仙草。經典味道就實無甩拖。草莓，格仔千層酥格仔千層酥食落有好香嘅牛油味，超級好食，草莓應該係有特別處理過，唔止係普通切兩粒草莓俾你，夠哂誠意。飲品香芋奶茶爆珠，龍眼蜜綠茶，台式飲品夠大杯