養心殿台式養生鍋 (Closed)

荃灣大輝雄中心一向食肆臨立，今日同朋友試一間叫台式養心火鍋店，朋友話呢度裝修古式古香同湯底已經夠特別。入到去果然無介紹錯，店鋪有很多同花屏風，互相重疊，井井有條，互相交錯，形成廂房，啱哂六至七人朋友，可以自成一角，私隱度高。講反個湯湯底，全部都好似好補身。我地就揀咗寧神養心鍋＄160 ，以川芎、天麻、當歸、鮮魚、豬肉、鮮雞熬成、藥材味濃但味道甘甜，啱哂想進補朋友。火鍋配料送來前，我們都搶著喝湯，湯底落足料熬製，幾款湯都可以在打邊爐之前都可以先品嘗飲用。肉類及菜十分新鮮不在話下，手工丸類更加是彈牙美味。叫咗一份貢丸、特別的黑松露蝦丸，極品水餃及炸芋頭片，芋頭粉度好正，入口即融。我地叫左一份霜降肉眼肥牛，肥瘦適中。當然仲有蔬菜拼盤同鴨血啦最後仲有湯水芋圓送㖭，我地已經決定咗下次再黎，測試其他湯底，我地仲發現原來七點半前埋單有半價優惠。