老鍋台式火鍋 (京都廣場) (Closed)

依家香港人食火鍋，已經食到出神入化，由最普通嘅港式火鍋到近年講求健康嘅養生鍋。不過要搵香港搵到地方就腳、衛生良好，而且性價比高嘅火鍋店就真係唔容易。今日嚟呢間嘅火鍋店，一入到去就已經有漫天嘅天燈作為裝飾，已經話到俾大家聽：今日就係主打台式火鍋！而且座位亦都唔會太狹窄，成班朋友一齊烚吓烚吓傾下偈都相當舒服。打邊爐，除咗個爐最緊要之外，湯底都係決定今餐食得開唔開心嘅重點！呢度既鍋底有幾款選擇，而今次我就揀咗美人鍋。顧名思義，呢個鍋底相對嚟講係養生啲，係用唔同嘅藥材熬製，當中仲包括人參！飲落去湯底唔會好重藥味，反而係有清甜嘅香味，怕飲苦茶嘅朋友唔使驚！🌟手切安格斯牛重點要講安格斯牛，一放落去烚就知好唔好。因為唔好嘅肥牛食落去會冇咩牛味，而且肉同肥會分開，肉質鬆散。而今次嘅牛一上枱，首先唔會雪到硬晒，好似成舊冰咁。而且烚落去亦都肉質相當紮實，唔會牛肉同肥肉分開，食落去亦都有口感之餘，又有陣陣嘅牛味，可以話係打邊爐嘅最佳拍檔！🌟千張豆葉紙🌟手工丸拼盤🌟雪花牛🌟五彩鮮蔬盤另外，值得一提嘅係，其他配料亦都相當新鮮，好似千張豆葉紙，薄薄一條，十分入味！手工丸拼盤亦都種類多，有4款丸，每款各1粒，岩岩好