人和月雞煲火鍋店 (Closed)

堂食放寬返，梗係要約朋友出去飲飲食食！餓咗好耐嘅打邊爐同埋雞煲，喺呢一間餐廳就可以一次過滿足晒兩個願望啦～ 除咗雞煲仲可以四選一揀其他煲～我哋見過雞煲咁好味，忍唔住自己加咗湯打住邊爐先，又真係幾好味喎火鍋湯底我哋揀咗胡椒豬肚湯，胡椒味超濃郁，落親咩落去都會有胡椒香墨魚滑超好味，追加咗三次海鮮質素都唔錯，帶子出奇地大隻，抵食麵食全部都獨立包裝，方便又衛生另一樣嘢幾開心就係佢哋嘅飲品選擇好多，啤酒都有，而家唔係平時成日見到嘅韓式飲品，而係台灣入口嘅台式飲品，仲有冷泡花茶，啱晒鍾意養生嘅女仔最最最最大驚喜就係竟然有好多嘅台式甜品可以選擇，唔似以前好興嘅乳酪雪糕咁，其實都食到厭晒，同埋完全估唔到佢嘅台式甜品全部都勁高質，雖然我已經飽到反晒肚，但係我都追加咗三次，講真如果佢哋開一間台式甜品鋪我哋一定會支持！首推係芋圓，薏米，同埋仙草凍，一定要留肚食！！仲有其他任食選擇，配料唔算多，最緊要高質，一定會再幫襯！