古早牛肉麵 (Closed)

餐廳內部設計都好有台灣嘅味道。一入間餐廳會見到個吧枱，咁樣嘅裝修好似台灣嘅早餐店。而牆上面嘅掛畫、裝飾同埋枱枱櫈櫈都係好台灣。食嘅時候都幾好feel 。起司蛋手抓捲餅$40 手抓餅係似蔥油餅，餅面同中間都係脆嘅。餡料好足，食到捲餅嘅頭尾兩邊都食到餡料。芝士落得好夠，食嘅時候一分開都見到拉絲。宜蘭迷你蔥肉餡餅（跟餐+18）依個小食令我驚訝。一食落去餡餅即刻爆汁，喞汁射左出黎。入面餡料滿滿，而且皮都夠薄。煎到脆脆咁，好吸引。鳳梨蘆薈多多（跟餐+$17）飲品出餐好快，而且加嘅配料都完全冇手軟。嚟到嘅時候可以見到裏便嘅蘆薈佔咗成杯嘢嘅三分之一。