而打淥滷汁拌粉 (青衣城2) (Closed)

去青衣探朋友，順便買外賣回家吃。上次吃過這間台式風味的而打淥滷汁拌粉，味道好又大大份，百零蚊二人份，好抵食。🔶現撈涼拌麵胡麻醬手撕雞撈冷麵夏天啱晒。手撕雞肉份量多入口滑滑唔嚡口，冷麵掛滿胡麻醬，還有爽脆椰菜，清爽口感好開胃。🔶台風定食選了而打淥豬三樣飯，包括有豬手丶豬耳絲和肉燥，全部我都鍾意食🥰特別鍾意豬手😋軟腍入味，補補骨膠原。肉燥油香滿溢，充滿古早台風。🔶鹽酥雞熱辣辣即炸，炸得外脆內嫩，入口酥脆不油膩。🔶楊桃汁香甜可口，完整還原台式味。