真台客

Open Now

Now Closed

雖然椅子有點硬，但環境幾舒服，播著五月天嘅歌令人心情好左。真台客紅燒牛肉麵 $60嘩！份量大得好誇張，有五大塊紅燒牛肉！肉質稔而且入味，配料有酸茶、生菜、紅蘿蔔。湯好濃味，但有一層紅油浮喺面，食落有少少辣。麵底係類似烏冬嘅白粗麵。台式蛋餅 $32好掛住台灣嘅早餐蛋餅，一定要點肉鬆！都幾足料，煎得金黃，外皮脆脆的。其實已經好夠味，點埋豉油太咸。鹽酥雞甜不辣 下午茶餐 $45鹽酥雞炸得乾身，好脆，唔會覺得油，缺點係勁咸！甜不辣味道適中，型狀可愛，口質好QQ。茉香奶茶加珍珠 $3 加熱再加$3加熱要加3蚊有D 奇怪，重點係杯茉香奶茶係微溫，而且勁甜。珍珠係好味嘅，軟度剛好。