而打淥滷汁拌粉 (青衣城2)

Open Now

Now Closed

有好多年冇去過台灣，當地夜市其中一樣好掛住嘅就係台灣滷味同埋粿條。疫情期間都幫襯過呢間「而打淥」，當時只係外賣啲滷味返屋企食。宜家有返堂食就可以係嗰度食即刻淥起嘅粉麵。蘿蔔金錢肚拌粿條金錢肚好淋、蘿蔔入晒味，麵就揀咗彈牙啲嘅棵條，甜甜地嘅滷水拌埋一齊食，好正。套餐有個前菜同埋飲品。算幾平。麻辣鴨血滷汁拌粉鴨血超麻，建議食少辣就可以，幼身嘅米線加埋台灣麻辣，係久違嘅味道。古早腩肉刈包🍔唔夠飽加多個豬腩刈包，都熱辣辣好食。黑糖薑母仙草鴨血太辣，即刻叫返碗黑糖仙草解辣，仙草幾滑薑味都幾出。