古早味台灣原味 (Closed)

冇得即刻飛去台灣，唯有係香港食住台灣菜頂住癮先🌝叫咗2個小食～宜蘭蔥餡餅 ($28) 好似煎餃子咁既味，皮薄餡靚，口感都好好鹽酥豆腐 ($38) 呢個豆腐真係超級超級好食😭 首先個皮炸完之後係好香，但又唔係硬果種，一放入口就食到裏面既豆腐係超滑好高質🤤 即只即做，成餐最有驚喜既一碟食物！古早味牛肉麵 ($65) 呢一個麵質係我最愛，夠哂口感又夠彈牙🤩 牛肉會連埋牛根👍🏻好彈牙好好味！台式雜錦炒麵 ($68) 炒得夠哂鍋氣，配料都好惹味，有蝦米，芹菜，肉絲，椒類。整體都唔錯幾好味。