日月堂

Open Now

Now Closed

星期六晚同男朋去食台灣菜，懷念下台灣。呢間人流絡繹不絕，好有人氣。玉米起司蛋捲餅蛋餅好足料，有好多芝士同玉米，塊皮煎得香脆得黎又帶點煙韌，好食。蚵仔煎紅色既醬辣辣地，所以幾惹味。口感亦都唔粉，屬於好食既蚵仔煎。手工滷肉飯(大)滷肉份量好慷慨，絕對夠送白飯食，食得津津有味。紅燒牛肉新竹米粉牛肉夠軟腍，幼細既新竹米粉好掛到湯汁，美味。香芋奶茶小時候既回憶同味道，叫左微糖，對於我黎講夠甜架啦。荔枝紅茶荔枝味同茶味都好出，正常甜都唔會太甜。