咖啡弄 (Closed)

休息經過見無乜人，就上去試下。記得最初來港開店嘅時候銅鑼灣間舖排日日到落樓，事隔多時，香港人嘅熱情終於冷靜落嚟。餐牌有好多選擇，有果茶花茶沙冰，但咖啡店係咪應該試返咖啡？出於好奇，要咗一杯黑糖泡沫咖啡。第一口飲落去，睇落去都不錯。直至真係飲到咖啡....酸！係完全酸到入唔到口！？我唔敢話識飲咖啡，但都試過唔少咖啡店，都未試過難飲到咁....再叫咗個黑芝麻waffle, 脆係好脆皮，但原來台灣waffle 係蛋糕咁大份？？？勁厚，食唔晒。味道還可以。