茶點

Open Now

Now Closed

疫情下，想同朋友食返啲台灣野，當去左轉台灣，就近近地嚟左呢間茶點。價錢合理唔會話太貴，野飲有得跟埋餐咁嗌。同朋友一人叫左個飯，分別係鹽焗雞絲飯同特級肥牛肉燥飯。個鹽焗雞絲飯唔會話太咸，用嚟撈飯食岩岩好。朋友叫左個肉燥飯 食左少少 haha 個肉燥汁好有台灣嘅味道 搞到更想去台灣了。啲肥牛同雞絲份量都算多 用嚟撈飯岩岩好。兩個人食兩個飯緊係唔夠啦，仲叫左炸燒賣同炸芋圓波 兩樣都好脆口 就算外賣食都唔會淋曬。特別中意芋圓波！！入面啲芋蓉 芋頭味好重 好中意。個燒賣有額外比啲蜜糖我地淋上去 味道都好夾 加唔加都好正！食台灣野點少得野飲，我地叫左水蜜桃紅茶同百香果綠茶，兩杯都唔會太甜。水果味都好重，同台灣嗰啲特飲都差唔多。