The Waffle Club (Closed)

係佢未裝修好之前經過見到已經好奇佢係一間咩店🤔 見佢寫住the waffle club 以為會係賣格仔餅或者belgium waffle 點知原來係賣雞蛋仔雪糕 雞蛋仔雪糕已經唔係咩新鮮事 出現左一段時間 而且好多地方都有賣 咁到底係咩驅使店主係相對偏僻既位置都開一間專賣雞蛋仔雪糕既店呢？我諗就唔係因為窮喇😂 原來店主係元朗人 早年去左台灣創業賣雞蛋仔雪糕 由一間變幾間 而家就回流返黎香港開第一間分店 講左咁多廢話 開始入正題 我叫左個黑珠誘惑 雪糕可以揀3.6牛乳味 皇室奶茶味 我就揀左雙拼 可以一次過試晒兩隻味 😋 個雞蛋仔睇顏色應該係抹茶味 但味道唔係好出 不過勝在夠脆 珍珠煮得岩岩好 唔會太生或太熟 口感煙韌 食到咁上下個雪糕溶溶地 浸淋左d雞蛋仔又有另一種口感 一路食有唔同層次 雖然未好食到會特登黎返啅 但如果咁岩經過都會再買試下唔會味既 👍