大公雞 (Closed)

初初開業嘅時候，已經覺得呢度嘅牛肉麵好好食，湯底好清甜， 只係牛肉燉湯，係真係可以當湯飲嗰種， 開業已經一段時間，但味道依然keep到，抵讚！今次試咗佢個麻辣三寶，初時仲以為會係魚旦之類，原來係有牛肉牛筋豬腸， 牛筋炆得好林， 而且唔會有 sticky感覺， 個人非常之怕嗰種口感， 所以呢度嘅牛筋絕對可以encore！ 但要提提大家，食牛肉麵一定要飲埋個湯底，食飽之後先叫佢嘅餐飲！今次係第二次食佢嘅炸豬扒， 上次食熱辣辣，今次食就有啲失色，只係暖笠笠， 可能因為飯市太多人，預先預備嘅關係掛！但整體嚟講，食物嘅質素非常唔錯，而且性價比高， 喺附近返工嘅人嘅首選！