八方台式麵屋 (新都城中心二期)

Open Now

Now Closed

成年冇去過旅行，真係好想去台灣走走，唯有食住台灣野止止癮先啦。見完客去開寶琳行新都城見到個台灣便當排晒長龍，人排我有排，我又試試佢。叫咗一個套餐真係好抵，一個風味牛肉麵套餐，包三品牛肉麵一個，花枝丸小食同埋一杯冬瓜茶。牛肉麵麵質好煙韌，而且佢個牛丸爽口彈牙，咬落去仲要有汁，而且牛肉麵湯好濃郁，牛肉半根半腩肉肥瘦分明，而且煮得好淋，加埋個湯底真係超正。花枝丸又係一大驚喜，佢個丸質地好彈牙，而且好香，仲要炸得唔會好油膩，最後飲埋冬瓜茶解一解，真係填飽我個旅行嘅慾望